बुटवल । पूर्व–पश्चिम राजमार्गअन्तर्गत बुटवलको राजमार्ग चौराहामा टिपरले ठक्कर दिँदा ईभी साइकल चालकको मृत्यु भएको छ। दुर्घटनामा सिद्धार्थनगर नगरपालिका–५ बैङ्क रोड भैरहवाका ६० वर्षीय तारचन सुनारको ज्यान गएको प्रहरीले जनाएको छ।
प्रहरीका अनुसार भैरहवाबाट बुटवलतर्फ आउँदै गरेको लु २ ख ३००२ नम्बरको टिपरले सोही दिशामा गुडिरहेको ईभी साइकललाई ठक्कर दिएको थियो। दुर्घटनामा गम्भीर घाइते भएका सुनारलाई तत्काल उपचारका लागि अस्पताल लगिएको भए पनि उपचारकै क्रममा उनको मृत्यु भएको हो।
इलाका प्रहरी कार्यालय बुटवलका प्रहरी निरीक्षक थम्मन जिसीका अनुसार दुर्घटनापछि टिपर चालकलाई नियन्त्रणमा लिइएको छ। घटनाको कारणबारे थप अनुसन्धान भइरहेको प्रहरीले जनाएको छ।
प्रकाशित मिति: २ श्रावण २०८३, शनिबार
प्रतिक्रिया