काठमाडौं । मोरङको कानेपोखरी गाउँपालिका–५ स्थित सावायेहाङ किरात महिम मन्दिरबाट चोरी गरेको आरोपमा प्रहरीले तीन जनालाई पक्राउ गरेको छ। पक्राउ पर्नेमा उर्लाबारी–७ का ३१ वर्षीय दिवश दर्जी, २६ वर्षीय विवेक विश्वकर्मा र १८ वर्षीय अर्जुन दर्जी रहेका छन्। साउन १ गते राति कानेपोखरी चोकमा सवारी चेकजाँचका क्रममा उनीहरू चोरीका सामानसहित पक्राउ परेका हुन्।
प्रहरीले उनीहरूको साथबाट ६० वटा तामाका कलश, ४६ वटा तामाका दीयो, १२ वटा घण्टी, ३ वटा तामाका थाली, ६२ वटा ढकी डलर, ६६५ रुपैयाँ नगद तथा चोरीमा प्रयोग भएको स्कुटर बरामद गरेको जनाएको छ। ताला फुटाउन प्रयोग हुने औजारसमेत फेला परेको प्रहरीले बताएको छ। पक्राउ परेका तीनै जनामाथि इलाका प्रहरी कार्यालय पथरीमा राखेर थप अनुसन्धान भइरहेको छ।
प्रकाशित मिति: २ श्रावण २०८३, शनिबार
प्रतिक्रिया