काठमाडौं । रुकुम पूर्व केन्द्रबिन्दु बनाएर आइतबार दिउँसो ५ म्याग्निच्युडको भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार दिउँसो ४:३० बजे रुकुम पूर्वको कोल क्षेत्र आसपास केन्द्रबिन्दु भएर स्थानीय म्याग्निच्युड ५.० को भूकम्प गएको हो।
भूकम्पको धक्का रुकुम पूर्वसँगै आसपासका जिल्लाहरूमा पनि महसुस भएको प्रारम्भिक जानकारी प्राप्त भएको छ। यद्यपि, हालसम्म भूकम्पबाट भएको मानवीय वा भौतिक क्षतिबारे कुनै आधिकारिक विवरण सार्वजनिक भएको छैन।
प्रकाशित मिति: ३ श्रावण २०८३, आइतबार
प्रतिक्रिया