काठमाडौं। रुपिज इन्टरनेशनल स्कुलद्वारा आयोजित रुपिज मोडल युनाइटेड नेसन्स (RMUN) ८.० मा सहभागी हुन इच्छुक विद्यार्थीका लागि दर्ता आवेदन अन्तिम चरणमा पुगेको छ। आयोजकका अनुसार उपलब्ध सिटहरू तीव्र रूपमा भरिएकाले अब सीमित सिट मात्रै बाँकी रहेका छन्।
जुलाई २४ देखि २६, २०२६ सम्म सञ्चालन हुने तीनदिने सम्मेलनमा देशभरका विद्यालयका विद्यार्थीहरू सहभागी हुनेछन्। सम्मेलनमा विश्वका समसामयिक विषयमा बहस, छलफल तथा कूटनीतिक अभ्यासमार्फत नेतृत्व क्षमता, सार्वजनिक वक्तृत्वकला, आलोचनात्मक सोच, वार्ता कौशल र अन्तर्राष्ट्रिय सम्बन्धसम्बन्धी व्यावहारिक अनुभव हासिल गर्ने अवसर प्रदान गरिने आयोजकले जनाएको छ।
आरएमयुएनका सचिव–जनरल प्रिन्स प्रसिद सिंह थापाले सम्मेलनले जिम्मेवार, सक्षम र दूरदर्शी युवा नेतृत्व निर्माणमा योगदान पुर्याउने विश्वास व्यक्त गर्दै इच्छुक विद्यार्थीलाई ढिलाइ नगरी आवेदन दिन आग्रह गरेका छन्।
सहभागी हुन चाहने विद्यार्थी तथा विद्यालयहरूले आरएमयुएन ८.० को आधिकारिक इन्स्टाग्राम, फेसबुक पेजमा आयोजकले उपलब्ध गराएको दर्ता लिंकमार्फत आवेदन दिन सक्ने जनाइएको छ।
प्रकाशित मिति: ५ श्रावण २०८३, मंगलबार
प्रतिक्रिया