काठमाडौं । काठमाडौंमा आत्मदाहको प्रयासपछि उपचारका क्रममा मृत्यु भएका मुगुका गणेश नेपालीको परिवारलाई नेपाली कांग्रेसका सभापति गगनकुमार थापाले एक लाख रुपैयाँ आर्थिक सहयोग गरेका छन्।
कांग्रेस सभापति थापाले व्यक्तिगततर्फबाट नेपालीको परिवारलाई राहतस्वरूप एक लाख रुपैयाँ सहयोग गरेको कांग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलालद्वारा जारी विज्ञप्तिमा उल्लेख छ।
सभापति थापाले स्वर्गीय गणेश नेपालीप्रति श्रद्धाञ्जली अर्पण गर्दै दिवंगत आत्माको चिरशान्तिको कामना गरेका छन्। उनले शोकसन्तप्त परिवारजनप्रति समवेदना पनि व्यक्त गरेका छन्।
मुगुको सोरु गाउँपालिका–१ का २५ वर्षीय गणेश नेपालीले असार २५ गते काठमाडौंको त्रिपुरेश्वरस्थित राहदानी विभाग अगाडि आफ्नै मोटरसाइकलबाट पेट्रोल निकालेर शरीरमा आगो लगाई आत्मदाहको प्रयास गरेका थिए।
गम्भीर घाइते भएका नेपालीको उपचारका क्रममा भोलिपल्ट वीर अस्पतालमा मृत्यु भएको थियो।
प्रकाशित मिति: ८ श्रावण २०८३, शुक्रबार
प्रतिक्रिया