काठमाडौं । नेपालकी तेक्वान्दो खेलाडी वैभवी सापकोटाले चीनमा सम्पन्न हाइनान कप अन्तर्राष्ट्रिय आमन्त्रण तेक्वान्दो प्रतियोगितामा स्वर्णसहित दुई पदक जित्दै नेपालको गौरव बढाएकी छन्। चीनको हाइनान प्रदेशस्थित हाइकाउ सहरको तुनचाङ काउन्टी रङ्गशालामा भएको प्रतियोगितामा उनले पुम्से विधामा स्वर्ण र क्योरुगी विधामा रजत पदक हात पारिन्।पुम्सेतर्फ अन्तिम चरणमा थाइल्यान्ड र चीनका खेलाडीलाई पराजित गर्दै वैभवीले स्वर्ण जितेकी हुन्।
क्योरुगीतर्फ भने उनी फाइनलमा थाइल्यान्डसँग पराजित हुँदै रजतमा सीमित भइन्। प्रतियोगितामा दक्षिण कोरिया, फिलिपिन्स, इन्डोनेसिया, सिङ्गापुर, मलेसिया, बङ्गलादेश, भियतनाम, हङकङ, पाकिस्तानलगायत विभिन्न देशका खेलाडीहरूको सहभागिता रहेको थियो।
प्रकाशित मिति: ९ श्रावण २०८३, शनिबार
प्रतिक्रिया