काठमाडौं । पछिल्लो सात वर्षमा नेपालमा १,७५३ जना महिला, बालबालिका तथा पुरुष मानव बेचबिखन तथा ओसारपसारको सिकार भएका छन्। यस अवधिमा १,२६६ वटा मुद्दा दर्ता हुँदा बेचबिखनमा संलग्न १,६६६ जनालाई पक्राउ गरिएको प्रहरीले जनाएको छ।
प्रहरीका अनुसार आर्थिक वर्ष २०७६/०७७ यता २,७६७ जनाको उद्धार गरिएको छ, जसमध्ये १,७७७ जना महिलालाई भारतसहित विभिन्न देशबाट सकुशल फर्काइएको छ। मानव बेचबिखन ब्युरोले रोजगारी, घुमघाम र आकर्षक आम्दानीको प्रलोभनमा पारेर हुने बेचबिखनका घटनाप्रति सतर्क रहन सबैलाई आग्रह गरेको छ।
प्रकाशित मिति: १४ श्रावण २०८३, बिहिबार
प्रतिक्रिया