सिराहा । सुनसरीमा भएको घटनापछि तनावग्रस्त सिराहामा अज्ञात समूहले दुई वटा ठेलामा आगजनी गरेको छ ।
सिरहाको सुखीपुर नगरपालिका–७ बल्ही चोक क्षेत्रमा गाउँ–गाउँ र टोल–टोलमा स्टिलका भाँडाकुँडा तथा सोनपापडी बेच्दै हिँडेका दुई वटा ठेलामाथि शुक्रबार दिउँसो तोडफोड तथा आगजनी भएको हो ।
किन र कसले आगजनी गरेको भन्ने खुलेको छैन । सिराहामा बिहीबार प्रदर्शनको क्रममा गोली चल्दा एक बालकको मृत्यु भएपछि त्यसविरुद्ध प्रदर्शनका घटना भइरहेका छन् । प्रदर्शनमै सहभागीले आगजनी गरेर भागेको आशंका गरिएको छ ।
घटनास्थलमा नेपाली प्रहरी पुगेर अनुसन्धान थालेको छ ।
तस्बिर : सुरेश राय/नेपाल फोटो लाइब्रेरी
प्रकाशित मिति: १५ श्रावण २०८३, शुक्रबार
प्रतिक्रिया