काठमाडौं । झापाको बाह्रदशी गाउँपालिका–३ रामनगरस्थित हुलाकी सडकखण्डमा मोटरसाइकलको ठक्करबाट एक साइकलयात्रीको मृत्यु भएको छ। बिहीबार दिउँसो घोडामाराबाट राजगढतर्फ जाँदै गरेका ५० वर्षीय प्रेमबहादुर पौडेल सवार साइकललाई सोही दिशाबाट आइरहेको मोटरसाइकलले ठक्कर दिएको थियो। गम्भीर घाइते भएका पौडेलको बिर्तासिटी अस्पतालमा उपचारका क्रममा मृत्यु भएको प्रहरीले जनाएको छ।
दुर्घटनामा मोटरसाइकल चालक ३० वर्षीय कुन्दन गणेश पनि घाइते भएका छन्। उनको अवस्था सामान्य रहेको र बिर्तासिटी अस्पतालमा उपचार भइरहेको छ। घटनाबारे थप अनुसन्धान जारी रहेको प्रहरीले जानकारी दिएको छ।
प्रकाशित मिति: १५ श्रावण २०८३, शुक्रबार
प्रतिक्रिया