काठमाडौं। भौतिक पूर्वाधार तथा यातायातमन्त्री सुनील लम्साल बिरामी भएपछि थप उपचारका लागि काठमाडौं ल्याइँदै छ।
बैतडीको दशरथचन्द नगरपालिका–४ गोठलापानीमा रहेका मन्त्री लम्साललाई ज्वरो, घाँटी दुख्ने तथा हातखुट्टामा समस्या देखिएको थियो। स्थानीय स्वास्थ्यकर्मीबाट उपचार गरिए पनि स्वास्थ्यमा सुधार नआएपछि काठमाडौं ल्याउन लागिएको हो।
आइतबार दिउँसो सुर्खेतबाट गएको नेपाली सेनाको स्काई ट्रकमार्फत उनलाई काठमाडौं ल्याइँदै छ। प्रारम्भिक रूपमा उनलाई भाइरल ज्वरो भएको बताइएको छ।
प्रकाशित मिति: ३१ श्रावण २०८३, आइतबार
प्रतिक्रिया