काठमाडौं । नेपाली कांग्रेस धादिङ निर्वाचन क्षेत्र नम्बर १ अन्तर्गत प्रदेशसभा क्षेत्र नम्बर २ (ख) का सभापति राजकुमार कुँवर बैंकिङ कसुरको आरोपमा पक्राउ परेका छन्।
जिल्ला प्रहरी परिसर काठमाडौंको टोलीले कुँवरलाई बुधबार कलंकीबाट पक्राउ गरेको हो। उनलाई २० लाख रुपैयाँ बिगो रहेको बैंकिङ कसुरसम्बन्धी मुद्दामा पक्राउ गरिएको जिल्ला प्रहरी परिसर काठमाडौंका प्रवक्ता एसपी दानबहादुर थापाले जानकारी दिए।
धादिङको धुनिबेँसी नगरपालिका निवासी कुँवर पछिल्लो समय काठमाडौंमा बस्दै आएका थिए।
प्रहरीले उनलाई नियन्त्रणमा लिएर घटनाबारे थप अनुसन्धान अघि बढाएको जनाएको छ।
प्रकाशित मिति: ४ भाद्र २०८३, बिहिबार
प्रतिक्रिया