काठमाडौं । नेपाली कांग्रेसका पूर्वसभापति शेरबहादुर देउवा पक्षले १५औँ महाधिवेशन प्रक्रिया रोक्न माग गर्दै सर्वोच्च अदालतमा पेश गरेको रिट फिर्ता लिएको छ। शुक्रबार वारेसमार्फत पेश गरिएको निवेदन सर्वोच्चमा दर्ता भने भएको थिएन। प्रशासनले निवेदन अध्ययनपछि सोमबार निर्णय गर्ने जानकारी दिएपछि देउवा पक्षले सच्याउने भन्दै निवेदन फिर्ता लिएको हो।
कांग्रेसको विवाद सर्वोच्च अदालतमा विचाराधीन रहेकै अवस्थामा संस्थापन पक्षले भदौ २६ गतेदेखि वडा अधिवेशन र असोज १६ देखि १९ गतेसम्म काठमाडौंमा केन्द्रीय महाधिवेशन गर्ने कार्यतालिका सार्वजनिक गरेको थियो। यसैबीच सर्वोच्च अदालतले साउन २१ गते कांग्रेस विवादसम्बन्धी मुद्दा पुनरावलोकनका लागि आदेश दिए पनि त्यसको सुनुवाइ हुन बाँकी रहेको छ।
प्रकाशित मिति: ५ भाद्र २०८३, शुक्रबार
प्रतिक्रिया