काठमाडौं । कैलालीमा १५ वर्षीया किशोरीलाई जबर्जस्ती करणी गरेको आरोपमा ९३ वर्षीय वृद्ध पक्राउ परेका छन् ।
गौरीगंगा नगरपालिका–९ का ९३ वर्षीय बिरे जाग्रीलाई किशोरीमाथि जबर्जस्ती करणी गरेको आरोपमा प्रहरीले पक्राउ गरेको हो । प्रहरीका अनुसार जाग्रीले गत २८ साउनमा किशोरीमाथि जबर्जस्ती करणी गरेको आरोप लागेको छ ।
किशोरीका आफन्तले प्रहरीमा उजुरी दिएपछि इलाका प्रहरी कार्यालय मसुरियाबाट खटिएको प्रहरी टोलीले जाग्रीलाई पक्राउ गरेको जनाएको छ ।
प्रहरीका अनुसार जंगल क्षेत्रमा घटना भइरहेको अवस्थामा किशोरीकी दिदीले देखेपछि घटना भएको जानकारी गराएकी थिइन् । त्यसपछि प्रहरीलाई जानकारी पुगेको हो ।
पक्राउ परेका जाग्रीलाई प्रारम्भिक अनुसन्धान तथा बयान लिएपछि आवश्यक कानुनी प्रक्रिया पूरा गरी अदालतमा पेश गरिएको इलाका प्रहरी कार्यालय मसुरियाले जनाएको छ ।
प्रकाशित मिति: १६ भाद्र २०८३, मंगलबार
प्रतिक्रिया