काठमाडौं। नेपालमा आएको विनाशकारी बाढीबाट प्रभावित परिवारलाई सहयोग गर्न भारतीय बलिउड अभिनेता सोनू सूद काठमाडौँ आइपुगेका छन्।
बाढी तथा डुबानबाट प्रभावित परिवारलाई राहत तथा सहयोग उपलब्ध गराउने उद्देश्यले सूद मंगलबार काठमाडौँ आएका हुन्।
नेपालमा पछिल्लो समय आएको विनाशकारी बाढीले ठूलो जनधनको क्षति पुर्याएको छ। प्रभावित क्षेत्रमा उद्धार तथा राहत कार्य जारी रहेका बेला अभिनेता सूदले पनि सहयोगका लागि नेपाल आउने प्रतिबद्धता जनाएका थिए।
सूदले सामाजिक सञ्जालमार्फत नेपालका बाढीपीडितप्रति ऐक्यबद्धता जनाउँदै सहयोग गर्ने बताएका थिए। उनको सामाजिक सेवाका कारण उनी यसअघि पनि विपद्का बेला राहत तथा उद्धार सहयोगमा सक्रिय रहँदै आएका छन्।
प्रकाशित मिति: १६ भाद्र २०८३, मंगलबार
प्रतिक्रिया