काठमाडौं । भोजपुरको साल्पासिलिछो गाउँपालिका–५, माबुस्थित भदौरे मेलामा कुटपिटबाट एक शिक्षकको मृत्यु भएको घटनामा प्रहरीले ११ जनालाई पक्राउ गरेको छ। खोटाङको केपिलासगढी गाउँपालिका–७ का ३९ वर्षीय भानुभक्त राईलाई पुरानो विवादका कारण भदौ ११ गते राति कुटपिट गरिएको र त्यसै क्रममा उनको मृत्यु भएको प्रहरीले जनाएको छ।
राई स्थानीय सूर्य माध्यमिक विद्यालयमा राहत कोटामा शिक्षकका रूपमा कार्यरत थिए। घटनाबारे जानकारी पाएपछि प्रहरीले तत्काल घटनास्थलमा पुगेर अनुसन्धान सुरु गरेको थियो। घटनामा संलग्न भएको आशंकामा प्रहरीले भदौ १२ गते ११ जनालाई पक्राउ गरेको हो।
पक्राउ परेकाहरूमाथि भोजपुर जिल्ला अदालतबाट पाँच दिनको म्याद थप गरी प्रहरीले घटनाबारे थप अनुसन्धान गरिरहेको जनाएको छ।
प्रकाशित मिति: १७ भाद्र २०८३, बुधबार
प्रतिक्रिया