काठमाडौं । भोटेकोशी बाढीपछि प्रभावित क्षेत्रमा उद्धार तथा राहत कार्य सहज बनाउन नेपाल आयल निगमले पेट्रोलियम पदार्थ र एलपी ग्यासको आपूर्तिलाई प्राथमिकताका साथ निरन्तरता दिएको छ।
कृष्णभीरमा सडक अवरुद्ध भएपछि निगमले वैकल्पिक त्रिभुवन राजपथमार्फत काठमाडौंमा पेट्रोलियम पदार्थ र ग्यास ल्याउने व्यवस्था गरेको छ। उपत्यकाका लागि करिब २४ हजार ५ सय ग्यास सिलिन्डर ल्याउने तयारी गरिएको छ।
उद्धारमा प्रयोग हुने हेलिकप्टरका लागि १ लाख २ हजार लिटर हवाई इन्धन तथा बाढी प्रभावित क्षेत्रमा १ लाख ५ हजार लिटर पेट्रोल र २ लाख २ हजार लिटर डिजल उपलब्ध गराइएको निगमले जनाएको छ। साथै, रसुवा र नुवाकोटका प्रभावितका लागि ५०० ग्यास सिलिन्डर पठाउने व्यवस्था गरिएको छ।
प्रकाशित मिति: १८ भाद्र २०८३, बिहिबार
प्रतिक्रिया