काठमाडौं। त्रिशूली–३ ‘ए’ जलविद्युत् आयोजनाको सुरुङमा फसेका सञ्जय साह र कबीर महर्जनको १०औँ दिनमा जीवितै उद्धार भएपछि गृहमन्त्री सुधन गुरुङले अझै आशा जीवित रहेको बताएका छन्।
उद्धारपछि सामाजिक सञ्जालमार्फत गृहमन्त्री गुरुङले दुई जनाको जीवित उद्धारले ‘आशाको किरण जीवितै राखेको’ उल्लेख गर्दै उद्धारमा खटिएका नेपाली सेना, नेपाल प्रहरी, सशस्त्र प्रहरी र केन्द्रीय कमान्ड सेन्टरको टोलीलाई धन्यवाद दिएका छन्।
उनले सुरुङ उद्धारमा निरन्तर पहल गर्ने सांसद सागर ढकाल र श्रीराम न्यौपानेको समेत प्रशंसा गरेका छन्।
सुरुङभित्र अझै उद्धार अभियान जारी रहेको गृहमन्त्री गुरुङले जानकारी दिएका छन्।
प्रकाशित मिति: १९ भाद्र २०८३, शुक्रबार
प्रतिक्रिया