काठमाडौं । नेपाली कांग्रेसको १५औँ महाधिवेशनअन्तर्गत रोकिएको गाउँ तथा नगर वडा अधिवेशन असोज ३ र ४ गते हुने भएको छ। यसअघि भदौ २४ गतेका लागि तय भएको अधिवेशन रसुवाको भोटेकोशी बाढी तथा पार्टीको आन्तरिक व्यवस्थापनका कारण स्थगित गरिएको थियो।
नयाँ कार्यतालिकाअनुसार देशभरका ६ हजार ७४३ वडामा अधिवेशन सम्पन्न गरिनेछ। वडा अधिवेशनबाट वडा कार्यसमिति र क्षेत्रीय प्रतिनिधि चयन हुनेछन्। असोज ७ गते स्थानीय तह, असोज १० गते प्रदेश तथा प्रतिनिधिसभा क्षेत्रीय अधिवेशन हुनेछन् भने केन्द्रीय महाधिवेशन असोज १६ देखि १९ गतेसम्म काठमाडौंमा हुने कांग्रेसले जनाएको छ।
प्रकाशित मिति: २३ भाद्र २०८३, मंगलबार
प्रतिक्रिया