काठमाडौं । प्रतिनिधिसभाकी उपसभामुख रुबी कुमारी ठाकुरले रसुवाको भोटेकोशी नदीमा आएको विनाशकारी बाढीबाट प्रभावित नागरिकको राहत, उद्धार तथा पुनःस्थापनाका लागि आफ्नो एक महिनाको पारिश्रमिक सहयोग गर्ने भएकी छन् ।
उपसभामुख ठाकुरले आफ्नो एक महिनाको पारिश्रमिक प्रधानमन्त्री दैवी प्रकोप उद्धार कोषमा जम्मा गरिदिन संघीय संसद् सचिवालयको प्रशासन शाखालाई निर्देशन दिएकी हुन् ।
बाढी प्रभावित नागरिकको राहत, उद्धार तथा पुनःस्थापनामा सहयोग पुगोस् भन्ने उद्देश्यले आफ्नो पारिश्रमिक सहयोग गर्न लागेको उपसभामुखको सचिवालयले जनाएको छ ।
यसअघि नेपाली कांग्रेस, नेकपा एमाले र नेपाली कम्युनिस्ट पार्टीका सांसदहरूले समेत आफ्नो तलबबाट निश्चित रकम कट्टा गरी बाढीपीडितका लागि सहयोग गर्न संसद् सचिवालयलाई आग्रह गर्दै पत्र दिएका थिए ।
प्रकाशित मिति: २५ भाद्र २०८३, बिहिबार
प्रतिक्रिया