काठमाडौं । नेपाली राष्ट्रिय क्रिकेट टोलीका कप्तान सन्दीप लामिछाने एसीसी पुरुष प्रिमियर कप २०२६ का उत्कृष्ट खेलाडी घोषित भएका छन्।
सन्दीपले प्रतियोगिताका ६ खेलमा सर्वाधिक १७ विकेट लिँदै नेपाललाई उपाधि जिताउन महत्वपूर्ण भूमिका खेले। उनले बहराइनविरुद्ध ५, मलेसियाविरुद्ध १, साउदी अरेबियाविरुद्ध ३, हङकङविरुद्ध ४, ओमानविरुद्ध ३ तथा फाइनलमा युएईविरुद्ध १ विकेट लिए।
त्यस्तै, फाइनलमा युएईविरुद्ध शतकीय पारी खेलेका नेपाली ओपनर आसिफ शेख प्लेयर अफ द म्याच घोषित भए। उनले १०६ बलमा ८ चौका र ४ छक्कासहित १०२ रन बनाएका थिए।
सन्दीपको उत्कृष्ट प्रदर्शनसँगै नेपालले शनिबार युएईलाई पराजित गर्दै एसीसी प्रिमियर कपको उपाधि जित्नुका साथै आगामी एसिया कपमा स्थान पक्का गरेको छ।
प्रकाशित मिति: २७ भाद्र २०८३, शनिबार
प्रतिक्रिया