काठमाडौं । सिरहा प्रहरीले गोलबजार नगरपालिका–१२, बेतौनाबाट ९७ ग्राम ५३ मिलिग्राम ब्राउन सुगरसहित चार युवकलाई पक्राउ गरेको छ। पक्राउ पर्नेमा स्थानीय २५ वर्षीय मुनेश्वर मण्डल, २६ वर्षीय वीरेन्द्रकुमार साह, २० वर्षीय अरविन्दकुमार सिंह र गोलबजार–६ का ३३ वर्षीय रितेश यादव रहेका छन्।
प्रहरीका अनुसार मण्डलको घरमा लागुऔषध बिक्री–वितरण भइरहेको सूचनाका आधारमा खानतलासी गर्दा ब्राउन सुगर फेला परेको हो। उनीहरूको साथबाट २ हजार ५९५ रुपैयाँ नगद, पाँच थान मोबाइल र एक थान डिजिटल तराजुसमेत बरामद भएको प्रहरीले जनाएको छ। पक्राउ परेका चारै जनामाथि लागुऔषधसम्बन्धी कसुरमा कानुनी प्रक्रिया अघि बढाउँदै थप अनुसन्धान भइरहेको छ।
प्रकाशित मिति: २८ भाद्र २०८३, आइतबार
प्रतिक्रिया