काठमाडौं । प्रधानमन्त्री वालेन्द्र शाहले भोटेकोशी बाढीबाट प्रभावित तथा विपद् संकटग्रस्त क्षेत्रका सांसद र स्थानीय तहका प्रमुखहरूसँग छलफल गरेका छन्।
प्रधानमन्त्री तथा मन्त्रिपरिषद्को कार्यालय सिंहदरबारमा नुवाकोट, रसुवा, धादिङ, गोरखा र तनहुँका १५ स्थानीय तहका जनप्रतिनिधि तथा प्रतिनिधिसभा सदस्यसँग छलफल भइरहेको प्रधानमन्त्रीको सचिवालयले जनाएको छ।
छलफलमा बाढीपछि प्रभावित क्षेत्रमा देखिएको अवस्था, उद्धार तथा राहतको प्रगति, तत्काल चाल्नुपर्ने कदम र पुनरुत्थान तथा पुनर्निर्माणका विषयमा छलफल भइरहेको छ।
प्रधानमन्त्रीले प्रभावित क्षेत्रको वास्तविक अवस्था स्थानीय जनप्रतिनिधिबाटै बुझ्ने र त्यसका आधारमा आगामी कार्ययोजना अघि बढाउने उद्देश्यले छलफल गरेका हुन्।
छलफलमा नुवाकोट, रसुवा, धादिङ, गोरखा र तनहुँका विभिन्न स्थानीय तहका प्रमुख तथा प्रतिनिधिसभा सदस्य सहभागी छन्। गोसाइँकुण्ड गाउँपालिकाका अध्यक्ष कैसाङ नुर्पु तामाङ भने अनलाइनमार्फत छलफलमा सहभागी भएका छन्।
प्रकाशित मिति: २९ भाद्र २०८३, सोमबार
प्रतिक्रिया