काठमाडौं । चालु आर्थिक वर्ष २०८३/८४ को सुरुआती दुई महिनामा सरकारको खर्च आम्दानीभन्दा ९ अर्ब ७२ करोड रुपैयाँ बढी भएको छ।
महालेखा नियन्त्रक कार्यालयका अनुसार भदौ मसान्तसम्म सरकारको कुल खर्च १ खर्ब ९९ अर्ब ८३ करोड ७२ लाख रुपैयाँ पुगेको छ। यो वार्षिक बजेटको ९.४१ प्रतिशत हो।
यस अवधिमा सरकारको कुल राजस्व संकलन भने १ खर्ब ९० अर्ब १० करोड ७९ लाख रुपैयाँ रहेको छ। राजस्व वार्षिक लक्ष्यको ११.५८ प्रतिशत हो।
कुल खर्चमध्ये चालुतर्फ १ खर्ब २२ अर्ब ३ करोड ५४ लाख, पुँजीगततर्फ ७ अर्ब ६६ करोड ४८ लाख र वित्तीय व्यवस्थातर्फ ७० अर्ब १३ करोड ७० लाख रुपैयाँ खर्च भएको छ।
राजस्वतर्फ करबाट १ खर्ब ७२ अर्ब ४२ करोड ९७ लाख र गैरकरबाट १० अर्ब ७७ करोड ६९ लाख रुपैयाँ संकलन भएको छ। त्यस्तै, भदौ मसान्तसम्म ५ अर्ब ५३ करोड रुपैयाँ प्रत्यक्ष वैदेशिक अनुदान प्राप्त भएको कार्यालयले जनाएको छ।
प्रकाशित मिति: १ आश्विन २०८३, बिहिबार
प्रतिक्रिया