काठमाडौं । भारतका विदेशमन्त्री एस. जयशंकरले नेपालको संविधान दिवसका अवसरमा शुभकामना व्यक्त गरेका छन् ।
जयशंकरले सामाजिक सञ्जालमार्फत परराष्ट्रमन्त्री शिशिर खनाल, नेपाल सरकार तथा सम्पूर्ण नेपालीलाई संविधान दिवसको शुभकामना दिएका हुन् ।
‘नेपालको राष्ट्रिय दिवसका अवसरमा परराष्ट्रमन्त्री शिशिर खनाल, नेपाल सरकार तथा सम्पूर्ण नेपाली जनतालाई हार्दिक शुभकामना,’ उनले लेखेका छन् ।
जयशंकरले नेपाल र भारतबीचको सम्बन्धलाई थप सुदृढ बनाउँदै लैजान भारत प्रतिबद्ध रहेको पनि उल्लेख गरेका छन् ।
‘हाम्रो गहिरो र चिरस्थायी मित्रतालाई अझ सुदृढ बनाउँदै लैजान प्रतिबद्ध छौँ,’ उनले भनेका छन् ।
प्रकाशित मिति: ३ आश्विन २०८३, शनिबार
प्रतिक्रिया