काठमाडौं । नेपाली कांग्रेस केन्द्रीय निर्वाचन समितिले प्रतिकूल मौसमका कारण प्रतिनिधि सभा क्षेत्रीय अधिवेशन असोज १३ गतेभित्र सम्पन्न गर्न निर्देशन दिएको छ।
देशका विभिन्न ठाउँमा भइरहेको भारी वर्षाका कारण अधिवेशन सञ्चालनमा समस्या देखिएपछि निर्वाचन समितिले कार्यतालिकामा लचकता अपनाउँदै उक्त समयसीमा तोकेको हो। कांग्रेसको १५औँ महाधिवेशनअन्तर्गत वडा अधिवेशन अधिकांश सम्पन्न भइसकेका छन् भने गाउँ तथा नगर अधिवेशन जारी छन्। हालसम्म ६६ जिल्लाका ६३० पालिकामा अधिवेशन सम्पन्न भएको कांग्रेसले जनाएको छ।
प्रकाशित मिति: ८ आश्विन २०८३, बिहिबार
प्रतिक्रिया