काठमाडौं । पछिल्लो २४ घण्टामा देशभरमध्ये सबैभन्दा धेरै वर्षा पाल्पाको अर्चलेमा मापन भएको छ । मौसम पूर्वानुमान महाशाखाका अनुसार शुक्रबार दिउँसो १ः१५ बजेसम्म अर्चलेमा २०५.२ मिलिमिटर वर्षा भएको हो ।
महाशाखाका अनुसार अहिले पनि देशका अधिकांश स्थानमा वर्षा भइरहेको छ ।
यसैबीच बाढी पूर्वानुमान महाशाखाले पनौतीस्थित रोशी खोलामा पानीको बहाव बढ्दो क्रममा रहेको जनाएको छ । महाशाखाले तल्लो तटीय तथा डुबान भइरहने क्षेत्रका बासिन्दालाई शनिबार बिहानसम्म उच्च सतर्कता अपनाउन आग्रह गरेको छ ।
लगातारको वर्षाका कारण नदी तथा खोलाको जलसतह बढ्न सक्ने भएकाले जोखिमयुक्त क्षेत्रका बासिन्दालाई सतर्क रहन आग्रह गरिएको छ ।
प्रकाशित मिति: ९ आश्विन २०८३, शुक्रबार
प्रतिक्रिया