काठमाडौं । नारायणी नदीमा आएको बाढी बस्तीमा पसेपछि पश्चिम नवलपरासीको सुस्ता गाउँपालिका–५ का ८ सयभन्दा बढी नागरिकलाई सुरक्षित रूपमा नारायणीवारि ल्याइएको छ।
बाढीको सतह बढ्दै गएपछि नेपाली सेना, नेपाल प्रहरी र सशस्त्र प्रहरीको सहयोगमा उनीहरूलाई सुस्ता बालिनगरस्थित बीपी माध्यमिक विद्यालयमा स्थानान्तरण गरिएको हो।
सुस्ताका २१९ घरधुरीमा करिब १ हजार ४५० नागरिक रहेकामा केही यसअघि नै आफन्तको घरमा गइसकेका थिए। बाढीपीडितलाई उद्योग वाणिज्य महासंघ र नेपाल रेडक्रस सोसाइटी नवलपरासीले राहत सामग्री वितरण सुरु गरेका छन्।
यसैबीच, गण्डक ब्यारेजमा पानीको बहाव ४ लाख ७९ हजार १ सय क्युसेक पुगेको जनाइएको छ।
प्रकाशित मिति: ११ आश्विन २०८३, आइतबार
प्रतिक्रिया