काठमाडौं । पूर्वराष्ट्रपति विद्यादेवी भण्डारी रुपन्देही आएकी छिन् । मदन भण्डारी स्पोर्ट्स एकेडेमीले बुटवलमा आयोजना गरेको अन्तर्राष्ट्रिय आमन्त्रित पुरुष भलिबल प्रतियोगिता उद्घाटन गर्न भण्डारी रुपन्देही आएकी हुन् ।
प्रतियोगिता सोमबारदेखि सुरु भए पनि भण्डारी मौसमका कारण समयमै बुटवल आउन नसकेपछि उद्घाटन कार्यक्रम आजका लागि सारिएको हो । उनी सोमबार राति रुपन्देही आइपुगेकी थिइन् ।
एमाले रुपन्देहीका अध्यक्ष यज्ञ गैरेका अनुसार भण्डारीले आज दिउँसो १ बजे प्रतियोगिताको औपचारिक उद्घाटन गर्नेछिन् । त्यसअघि उनले एमाले पार्टी कार्यालयमा कार्यकर्तासँग भेटघाट गर्ने कार्यक्रम छ ।
उद्घाटनपछि भण्डारी आजै काठमाडौं फर्कने कार्यक्रम रहेको गैरेले राताेपाटीलाई बताए ।
प्रकाशित मिति: १३ आश्विन २०८३, मंगलबार
प्रतिक्रिया