काठमाडौं । जाजरकोटको जुनीचाँदे गाउँपालिका–४ मा ७५ वर्षीय गंगाराम शाहीको हत्या गरेको आरोपमा उनकी माइली बुहारी समिला शाही पक्राउ परेकी छन्। धारिलो हतियार प्रहार गरी हत्या गरिएको अवस्थामा शाही मृत फेला परेका थिए।
प्रहरीले अनुसन्धानका क्रममा समिलाको संलग्नता देखिएपछि मृतकका छोरा राजकुमार शाहीको किटानी जाहेरीका आधारमा उनलाई पक्राउ गरेको जनाएको छ। अदालतबाट १० दिनको म्याद थप गरी घटनाबारे थप अनुसन्धान भइरहेको छ।
प्रकाशित मिति: १३ आश्विन २०८३, मंगलबार
प्रतिक्रिया