काठमाडौं । लेटाङ नगरपालिका–९, हात्तीचोकस्थित भित्री सडकखण्डमा मोटरसाइकल दुर्घटना हुँदा दुई जनाको मृत्यु भएको छ भने एक जना घाइते भएका छन् ।
हिजो राति १०ः३५ बजे जाँते बजारबाट पथरी जाँदै गरेको मे ४ प ७४६ नम्बरको मोटरसाइकल अनियन्त्रित भई दुर्घटना भएको हो ।
दुर्घटनामा मोटरसाइकल चालक झापा, घेराबारीका २७ वर्षीय कुमार नेपाली, मोटरसाइकल पछाडि सवार सोही ठाउँका २५ वर्षीय सन्देश नेपाली र जिल्ला मोरङ, पथरीशनिश्चरे गाँउपालिका(०८ बस्ने ३२ वर्षीय अमर नेपाली घाइते भएका थिए ।
घाइतेलाई उपचारका लागि क्रमशः मदन भण्डारी अस्पताल, ट्रमा सेन्टर, मंगलबारे र न्युरो अस्पताल, विराटनगर पठाइएको थियो ।
उपचारक्रममा असोज राति १२ बजे कुमार नेपाली र सन्देश नेपालीलाई चिकित्सकले मृतक घोषणा गरेका हुन् ।
मोटरसाइकलमा सवार मोरङ पथरीशनिश्चरे गाउँपालिका–८ का ३२ वर्षीय अमर नेपालीको न्युरो अस्पताल, विराटनगरमा उपचार भइरहेको छ ।
प्रकाशित मिति: १७ आश्विन २०८३, शनिबार
प्रतिक्रिया