काठमाडौँ। नेपाली कांग्रेसको १५औँ महाधिवेशनअन्तर्गत जारी खुला सहमहामन्त्री पदको मतगणनामा रामहरि खतिवडाले सुरुवाती अग्रता लिएका छन्।
नेपाली कांग्रेस निर्वाचन समितिले दिएको पछिल्लो जानकारी अनुसार १ हजार ६८९ मत गणना हुँदा खतिवडाले सर्वाधिक ७६८ मत प्राप्त गरेका छन्।
यसैगरी अन्य उम्मेदवारहरू मध्ये अजय सिवाकोटीले ५४८ मत प्राप्त गर्दै खतिवडालाई पछ्याइरहेका छन्। त्यस्तै डिल्लीराज सुवेदीले ४३९, देवेन्द्रराज कँडेलले ३३४ र विकास कोइरालाले २८४ मत प्राप्त गरेका छन्।
अन्य उम्मेदवारहरू राजिव ढुंगानाले २५३, रमेशप्रसाद धमलाले २०५, अमृतकुमार अर्यालले १७६ र विमलराज क्षेत्रीले ६१ मत ल्याएका छन्। बाँकी मतको गणना कार्य अहिले निरन्तर जारी रहेको छ।
प्रकाशित मिति: २६ आश्विन २०८३, सोमबार
प्रतिक्रिया