काठमाडौं । हुलाकी राजमार्गअन्तर्गत पर्सा गाउँपालिका–२, सङ्ग्रामपुरमा भारतीय नम्बर प्लेटको कार दुर्घटना हुँदा चालकको मृत्यु भएको छ भने दुई जना घाइते भएका छन्।
दुर्घटनामा महोत्तरीको गौशाला नगरपालिका–५ निवासी २४ वर्षीय चालक विकल साहको मृत्यु भएको हो। कारमा सवार २३ वर्षीय शम्भुनाथ कुमार साह र अन्दाजी २२–२३ वर्षीय शुभमकुमार शर्मा घाइते भएका छन्। उनीहरूको स्थानीय स्वास्थ्य संस्थामा उपचार भइरहेको प्रहरीले जनाएको छ।
प्रकाशित मिति: ३० आश्विन २०८३, शुक्रबार
प्रतिक्रिया