काठमाडौं । प्रतिनिधि सभाको शुक्रबार बसेको बैठकमा चार विधेयक प्रस्तुत भएका छन्। कानुन, न्याय तथा संसदीय मामिलामन्त्री सोविता गौतमले संवैधानिक निकायका पदाधिकारीहरूको पारिश्रमिक, सेवाका शर्त र सुविधासम्बन्धी (पहिलो संशोधन) विधेयक, २०८३ प्रस्तुत गरिन्।
त्यस्तै, परराष्ट्रमन्त्री शिशिर खनालले राहदानी (पहिलो संशोधन) विधेयक, महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षामन्त्री सीता वादीले मानव बेचबिखन तथा ओसारपसार (नियन्त्रण) (पहिलो संशोधन) विधेयक तथा उद्योग, वाणिज्य तथा आपूर्तिमन्त्री गौरी कुमारीले खानी तथा खनिज पदार्थ विधेयक, २०८३ सदनमा पेश गरिन्।
विधेयकहरू प्रस्तुत गर्न कुनै पनि सांसदले विरोध नगरेकाले सभामुख डोलप्रसाद अर्यालले प्रस्ताव सर्वसम्मतिले स्वीकृत भएको घोषणा गरे। प्रतिनिधि सभाको अर्को बैठक साउन २५ गते सोमबार दिउँसो १ बजे बस्नेछ।
प्रकाशित मिति: २२ श्रावण २०८३, शुक्रबार
प्रतिक्रिया