काठमाडौं । राजसंस्था पुनर्स्थापनाको पक्षमा रहेका दुर्गा प्रसाईं र डा. धवलशम्शेर राणाबीच मतभेद चर्किएको छ। प्रसाईंले धवलशम्शेरले राजसंस्था नै नचाहेको आरोप लगाउँदै उनको पछिल्लो अभिव्यक्तिप्रति असन्तुष्टि जनाएका छन्।
धवलशम्शेरले दरबार हत्याकाण्डबारे दिएको अभिव्यक्तिले राजसंस्थालाई कमजोर बनाउने प्रसाईंको दाबी छ।
उनले आफ्नो प्रस्तावित पार्टीभित्रै ‘सीआईए पसेको जस्तो’ लागेको टिप्पणी गर्दै राणाहरु नेपालमा प्रभावशाली रहँदासम्म राजसंस्था पुनःस्थापना हुन नसक्ने दाबी गरेका छन्।
प्रसाईंले पार्टी दर्ताको विषयमा पनि धवलशम्शेर पक्षले हतार गरेको बताएका छन्। पछिल्लो विवादले दुई नेताबीचको प्रस्तावित राजनीतिक सहकार्यमा समेत प्रश्न उठेको संकेत देखिएको छ।
प्रकाशित मिति: २६ श्रावण २०८३, मंगलबार
प्रतिक्रिया