काठमाडौं । त्रिभुवन अन्तर्राष्ट्रिय विमानस्थलबाट ठूलो परिमाणमा ‘थाई गाँजा’ नेपाल भित्र्याउने प्रयास गरेको आरोपमा प्रहरीले आठ जना विदेशी नागरिकलाई पक्राउ गरेको छ।
लागुऔषध नियन्त्रण ब्युरोको विमानस्थल शाखाबाट खटिएको टोलीले उनीहरूलाई छुट्टाछुट्टै अन्तर्राष्ट्रिय उडानमार्फत काठमाडौं आएपछि नियन्त्रणमा लिएको हो। पक्राउ पर्नेमा म्यानमारका पाँच र भारतका तीन नागरिक छन्। उनीहरूको लगेज जाँच गर्दा कुल ३९ किलो २८८ ग्राम थाई गाँजा बरामद भएको प्रहरीले जनाएको छ।
प्रहरीका अनुसार म्यानमारका पाँच नागरिक थाइल्यान्डको बैंककबाट थाई एयरवेजमार्फत काठमाडौं आएका थिए। त्यस्तै, भारतीय नागरिकहरू थाइल्यान्डकै फुकेटबाट बाटिक एयरको उडानमार्फत नेपाल आएका थिए।
पक्राउ परेका व्यक्तिहरूको साथबाट आठ थान राहदानी र आठ थान मोबाइल फोन समेत बरामद गरिएको छ।
लागुऔषध नियन्त्रण ब्युरोका सहप्रवक्ता एवं प्रहरी नायब उपरीक्षक जीवन निरौलाका अनुसार घटनाबारे थप अनुसन्धान भइरहेको छ। पक्राउ परेकाहरूमाथि लागुऔषध ओसारपसारसम्बन्धी कसुरमा कानुनी प्रक्रिया अघि बढाइने प्रहरीले जनाएको छ।
पक्राउ पर्नेहरूः
प्रकाशित मिति: ३ भाद्र २०८३, बुधबार
प्रतिक्रिया