काठमाडौं । बाराको सिमरामा बलात्कारपछि हत्या गरिएकी तीन वर्षीया बालिका गरिमा चौधरीका आमाबुबासँग गृहमन्त्रालयमा छलफल सुरु भएको छ।
गृहमन्त्री सुधन गुरुङसहित मन्त्रालयका अधिकारीहरूको टोलीले गरिमाका बुबा मनोज चौधरी र आमा मानमती चौधरीसँग शनिबार छलफल गरिरहेको हो।
पीडित परिवार आजै दिउँसो सिमरा विमानस्थलबाट काठमाडौं आएका थिए। उनीहरूसँगै केही स्थानीय अभियन्तासमेत काठमाडौं आएका छन्।
छलफलमा कृषि, वन तथा पर्यावरण मन्त्री गीता चौधरी पनि सहभागी छन्।
गरिमाको न्याय र दोषीमाथि कडा कारबाहीको माग गर्दै बारा, काठमाडौंसहित देशका विभिन्न स्थानमा प्रदर्शन भइरहेका बेला सरकारले पीडित परिवारसँग छलफल गरेको हो।
छलफलमा घटनाको अनुसन्धान, पीडित परिवारलाई न्याय तथा आगामी सरकारी कदमबारे कुराकानी भइरहेको जनाइएको छ।
प्रकाशित मिति: ६ भाद्र २०८३, शनिबार
प्रतिक्रिया