धादिङ। त्रिशूली नदीको बाढीले पृथ्वीराजमार्गको कृष्णभीर खण्ड बगाएपछि सडक पुनः सञ्चालनका लागि नयाँ ट्रयाक खन्न सुरु गरिएको छ।
गत भदौ १० गतेको भीषण बाढीले सडकको ठूलो हिस्सा कटान गरी बगाएपछि उक्त खण्डमा यातायात पूर्ण रूपमा ठप्प भएको थियो। सडक सञ्जाल नै विच्छेद भएपछि वैकल्पिक मार्गमार्फत आवागमन व्यवस्थापन गर्ने प्रयास भइरहेको छ।
सडक विभाग र सम्बन्धित निकायको पहलमा नयाँ ट्रयाक खोल्ने काम अघि बढाइएको हो। नयाँ मार्ग तयार भएपछि पृथ्वीराजमार्गलाई पुनः सञ्चालनमा ल्याउने लक्ष्य राखिएको छ।
त्रिशूली नदीको तीव्र कटानका कारण तत्काल पुरानै सडक मर्मत गर्न कठिन भएपछि नयाँ ट्रयाक निर्माणलाई प्राथमिकता दिइएको सम्बन्धित निकायले जनाएको छ।
प्रकाशित मिति: १९ भाद्र २०८३, शुक्रबार
प्रतिक्रिया