काठमाडौं । नेपाली कांग्रेसको १५औँ महाधिवेशन दुई दिनपछि सरेर असोज १८ गते हुने भएको छ।
यसअघि असोज १६ देखि १९ गतेसम्म तय भएको महाधिवेशन भारी वर्षाका कारण केही क्षेत्रमा अधिवेशन तथा प्रतिनिधि चयन प्रक्रिया प्रभावित भएपछि सारिएको कांग्रेसले जनाएको छ।
महाधिवेशनको उद्घाटन समारोह असोज १८ गते दिउँसो २ बजे काठमाडौंको खुलामञ्चमा हुने कार्यवाहक मुख्यसचिव कृष्णप्रसाद दुलालले जारी गरेको विज्ञप्तिमा उल्लेख छ।
कांग्रेसको १५औँ महाधिवेशन प्रक्रिया असोज ३ गते वडा अधिवेशनबाट सुरु भएको थियो। वडा तथा पालिका अधिवेशन सम्पन्न भइसकेका छन्।
प्रकाशित मिति: १३ आश्विन २०८३, मंगलबार
प्रतिक्रिया