काठमाडौं । नेपाली कांग्रेसको १५औँ महाधिवेशनअन्तर्गत बुधबार बसेको बन्दसत्रले सभापति गगन थापासहित शीर्ष नेताहरूले प्रस्तुत गरेका चारवटा प्रतिवेदन पारित गरेको छ।
बन्दसत्रले सभापति थापाको ‘राष्ट्रिय पुनर्जागरण र समुन्नति’सम्बन्धी राजनीतिक प्रस्ताव र उपसभापति विश्वप्रकाश शर्माको ‘राजनीतिक संस्कृतिको क्षय र युगानुकूल रूपान्तरणको अभिभारा’सम्बन्धी समसामयिक प्रस्ताव पारित गरेको हो।
त्यस्तै, महामन्त्री गुरूराज घिमिरेको संगठनसम्बन्धी प्रतिवेदन र कोषाध्यक्ष उमेश श्रेष्ठको आर्थिक प्रतिवेदन पनि छलफलपछि पारित भएको छ।
प्रकाशित मिति: २१ आश्विन २०८३, बुधबार
प्रतिक्रिया