काठमाण्डाै – नेकपा एमालेका नेताहरू राष्ट्रिय स्वतन्त्र पार्टी (रास्वपा) काे कार्यालय बसुन्धरा पुगेका छन् । राष्ट्रपतिमा पार्टी उपाध्यक्षसमेत रहनुभएका सुवास नेम्वाङलाई मत माग्न एमाले नेताहरू बिहीवार दिउँसाे रास्वपा पार्टी कार्यालय पुगेका हुन् ।
रास्वपा सभापति रवि लामिछानेलगायतका नेताहरूसँगकाे भेटमा एमाले नेताहरूले नेम्वाङकाे पक्षमा मतदान गर्न आग्रह गरेका छन् । भेटमा एमालेबाट राष्ट्रपति उम्मेदवार नेम्वाङसहित उपमहासचिव पृथ्वीसुब्बा गुरुङ, सचिव याेगेश भट्टराईलगायत नेताहरू सहभागी छन् । यस्तै रास्वपाबाट सभापति लामिछाने, उपसभापति डोरप्रसाद अर्याल, महामन्त्री मुकुल ढकाललगायत नेताहरू छन् ।
यसअघि एमाले नेताहरू नेम्वाङलाई मत माग्दै आजै दिउँसाे नेकपा एकीकृत समाजवादीकाे कार्यालय पुगेका थिए ।
प्रकाशित मिति: १८ फाल्गुन २०७९, बिहिबार
प्रतिक्रिया