काठमाडौं । सरकारले दूधको मूल्य एकै पटक नौ रुपैयाँले बढाएको छ।
शुक्रबार बसेको मन्त्रिपरिषद् बैठकले दूधको मूल्य बढाउने निर्णय गरेको हो।
कृषि तथा पछुपंक्षी मन्त्रालयका एक अधिकारीका अनुसार मन्त्रिपरिषद्ले प्रतिलिटर ९ रुपैयाँले मूल्य बढाउने निर्णय गरेको छ।
‘अहिले दूधको मूल्य प्रतिलिट ५६ रुपैयाँ ४ पैसा छ। आज कृषि मन्त्रालयले पठाएको प्रस्तावअनुसार ९ रुपैयाँ बढेको जानकारी आएको छ,’ ती अधिकारीले भने।
अब किसानले बिक्री गर्ने दूधको न्यूनतम मूल्य प्रतिलिटर ६५ रुपैयाँ पुगेको छ ।
हरेक दुई वर्षको मूल्य समायोजन गरिने बताइए पनि सरकाले पछिल्लो एकै वर्षमा दुई पटक दूधको मूल्य बढाएको छ।
प्रकाशित मिति: १९ फाल्गुन २०७९, शुक्रबार
प्रतिक्रिया