काठमाडौँ । नेकपा (एमाले) का अध्यक्ष केपी शर्मा ओलीले नक्कली शरणार्थी प्रकरणमा मुछिएका टोपबहादुर रायमाझीले कानुनलाई सघाउनुपर्ने बताएका छन् ।
मङ्गलवार पार्टीको सचिवालय बैठकमा ओलीले यस्तो बताएका हुन् । गल्ती गरेको कारबाही रायमाझीले भोग्नुपर्ने बताएको बैठकमा सहभागी एक नेताले जानकारी दिए ।
‘उहाँले आफैँ फेस गर्नुपर्छ । गल्ती हो भने कारबाही भोग्नुपर्छ । गल्ती नभए कानुनलाई सघाएर सफाइ लिनुपर्छ । एउटाको गल्तीले सिङ्गो पार्टी बदनाम हुन हुँदैन । एमाले कानुन मान्ने पार्टी हो,’ उनले बैठकमा भनेका छन् ।
प्रकाशित मिति: २७ बैशाख २०८०, बुधबार
प्रतिक्रिया