मेयरका लागि आफूलाई आएको टिकट सहकर्मीलाई हस्तान्तरण

१२ वैशाख, सल्यान । सल्यानको बागचौर नगरपालिकामा एमालेका एक स्थानीय नेताले आफूलाई पार्टीले दिएको मेयरको टिकट सहकर्मीलाई हस्तान्तरण गरेका छन् ।

एमाले प्रदेश कमिटीले आइतबार मेयरको टिकट एमालेका नगर कमिटी अध्यक्ष घनश्याम शर्मालाई दिएको थियोे । तर शर्माले उक्त टिकट तिलक मल्ल लाई हस्तान्तरण गरेका हुन् । पूर्व माओवादी केन्द्रका मल्ल एमालेको प्रदेश कमिटी सदस्य हुन् ।

यसअघि एमालेको नगर कमिटीले मल्लकै नाम मेयरको लागि सर्वसम्मत प्रदेशमा सिफारिस गरेको थियोे । तर आइतबार टिकट आउँदा शर्माको नाममा आएको हो ।‘मल्ल जी चुनावी प्रचारप्रसारमा लागिसक्नु भएको थियोे ।’ शर्माले भने,’ प्राविधिक कारणले मेरो नाममा टिकट आयो । अहिले सहमतिमा मैले उहाँलाई हस्तान्तरण गरेको छु ।’

प्रकाशित मिति: १२ बैशाख २०७९, सोमबार