काठमाडौँ । मध्यपहाडी लोकमार्ग अन्तर्गत घुर्मी-खुर्कोट खण्डको गोलन्जोरमा गाडी सुनकोशी नदीमा खस्दा तीन जना बेपत्ता भएका छन् ।
सीटीईभीटीका निर्देशकसहित ४ जना सवार गाडी दिउँसो करिब १२ बजे सिन्धुलीको खुर्कोटस्थित नदीमा खसेको हो।
गोलन्जोर गाउँपालिका-७ खुर्कोट लौकुनबाट सिटिइभिटीको सरकारी गाडी सुनकोसी नदिमा खसेको जिल्ला प्रहरी कार्यालय सिन्धुलीका प्रमुख (एसपी) राजकुमार सिलवालले जानकारी दिए।
गाडीमा रहेका तीन जना बेपत्ता भएका छन् भने गाडीका चालक पौडिएर निस्कन सफल भएको सिलवालले बताए। उनले भने, ‘गाडी सुनकोसीमा खसेको छ, ३ जना सहसचिव स्तरका मान्छेहरू बेपत्ता छन्, एक घण्टा जति भयो अगाडी देखिएको थियो, अहिले त गाडी पनि डुबेको छ,’ ‘उनले थपे, ‘चालक पौडेर ज्यान जोगाउन सफल भएका छन् ।’
प्रकाशित मिति: १९ जेष्ठ २०८०, शुक्रबार
प्रतिक्रिया