काठमाण्डाै । सरकारले आउँदो असार मसान्तसम्मका लागि मोटरसाइकल, मोबाइल लगायतका १० प्रकारका सामानहरु भित्र्याउन रोक लगाएको छ ।
उद्योग वाणिज्य तथा आपूर्ति मन्त्रालयले हिजो राजपत्रमा सूचना निकालेर विभिन्न १० प्रकारका विलासी उपभोग्य सामान हरु नेपाल भित्र्याउन रोक लगाइएको हो । मोबाइल सेट, २५० सीसीभन्दा बढी क्षमता भएका मोटरसाइकल, ३२ इञ्चभन्दा माथिका रंगीन टेलिभिजन पनि ल्याउन रोक लगाइएको छ । यस्तै एम्बुलेन्स र शववाहन प्रयोजनका लागि बाहेक जीप, कार र भ्यान पनि भित्र्याउन पाईने छैन ।
सबै प्रकारका खेलौना तथा तास त्यस्तै कुरकुरे, कुरमुरे, लेज र यस्तै अन्य प्रकारका उत्पादनहरु पनि भित्र्याउन रोक लगाईएको छ । सबै प्रकारका मदिरा, चुरोट तथा सुर्तीजन्य वस्तु र हिराको आयातमा पनि असार मसान्तसम्म रोक लगाइएको राजपत्रमा प्रकाशित सूचनामा उल्लेख छ ।
कूटनीतिक नियोगका अधिकारीहरु तथा वैशाख १३ गतेअघि बैंकिङ प्रक्रिया पूरा गरेकाहरुले पनि नियमअनुसार आयात गर्न पाउने छन् । 
प्रकाशित मिति: १४ बैशाख २०७९, बुधबार
प्रतिक्रिया