काठमाडौं । काठमाडौंको शंखमुलमा काट्न लागेको भैँसी भागेर भागदौड मच्चिएको छ । काट्न लागेको ठाउँबाट भागेको भैँसी शंखमुलका विभिन्न ठाउँमा पुगेर वितण्डा मच्चाएको हो ।
उक्त भैँसी ज्ञान निकेतन स्कुलभित्र समेत पसेको थियो । सडकमा कुदेपछि भएको भागदौडमा केही व्यक्ति सामान्य घाइते भएको प्रहरीले जनाएको छ ।
भैँसी भागेर भागदौड मच्चिएपछि नियन्त्रणमा लिन प्रहरी परिचालन गरिएको थियो । उक्त भैँसीलाई हाल प्रहरीले नियन्त्रणमा लिइसकेको प्रहरी वृत्त नयाँ बानेश्वरले जनाएको छ ।
प्रहरीका अनुसार नियन्त्रणमा लिइएको भैँसी वन कार्यालयमा बुझाउने तयारी छ । भैँसी कहाँबाट आएको हो भन्ने यकिन नभएको प्रहरीको भनाइ छ ।
प्रकाशित मिति: ६ भाद्र २०८०, बुधबार
प्रतिक्रिया