काठमाडौंको बौद्धमा गोली चल्यो, एक जना घाइते

काठमाडौँ । काठमाडौँको बौद्धमा गोली चलेको छ। बिहीबार काठमाडौँ उपत्यका अपराध अनुसन्धान कार्यालयको टोलीले गोली चलाउँदा एक जना घाइते भएका छन् ।

काठमाडौं उपत्यकामा हुने लुटपाटका घटनामा संलग्नहरुको समूहलाई पक्राउ गर्ने क्रममा गोली चलाइएको अपराध अनुसन्धान कार्यालयका एसएसपी शोमेन्द्रसिंह राठौरले जानकारी दिए।

‘लुटपाटका घटनामा सक्रिय समूह पुन: लुटपाट गर्दैछ भन्ने सूचनाका आधारमा हाम्रो टोली परिचालन भएको थियो। त्यसक्रममा जम्काभेट भएपछि उनीहरुले प्रहरी टोलीमाथि नै हतियार प्रहार गर्न खोजे,’ एसएसपी राठौरले भने, ‘लुटपाटमा संलग्न ३ जनालाई नियन्त्रणमा लिइएको छ।’

एसएसपी राठौरका अनुसार सिन्धुली घर भएका अमर घलानको गोडामा गोलि लागेको छ। अन्य २ जनालाई भने चोटपटक छैन।

प्रकाशित मिति: २५ आश्विन २०८०, बिहिबार