काठमाडौं । भारत र अस्ट्रेलियाबीच जारी विश्वकप क्रिकेटको फाइनलमा भारतले पहिला ब्याटिङ गरिरहेको छ । भारतले कप्तान रोहित शर्माका रुपमा दोस्रो विकेट गुमाएको छ ।
शर्मा ३१ बलमा ४७ रन बनाएर ग्लेन म्याक्स्वेलको बलमा क्याच आउट भएका छन् । चौका र छक्का प्रहार गरेका उनले तेस्रो बलमा पनि ठूलो सट खेल्न खोजेका थिए ।
भारतले ७६ को स्कोरमा २ विकेट गुमाएको पहिलो विकेटका रुपमा शुभमन गिल ३० को स्कोरमा चार रन बनाएर आउट भएका थिए । मैदानमा विराट कोहली र श्रेयस अय्यर छन् ।
प्रकाशित मिति: ३ मंसिर २०८०, आइतबार
प्रतिक्रिया