काठमाडौं । पश्चिम नवलपरासीको बर्दघाट नगरपालिका-१६ केराबारीस्थित चोरघोल नजिकै एक सुनचाँदी व्यवसायीमाथि गोली प्रहार भएको छ।
गएराति अज्ञात समूहको गोली प्रहारबाट एक जना सुनचाँदी व्यवसायी घाइते भएको प्रहरीले जनाएको छ। गोली प्रहारबाट बर्दघाट नगरपालिका घर भई सुस्ता गाउँपालिका-१ बरुवामा सुनचाँदी व्यवसायी गर्दै आएका गजेन्द्र विश्वकर्मा घाइते भएका हुन्।
उनको देब्रे पाखुरामा गोली लागेको छ। विश्वकर्मालाई धारिलो हतियारसमेत प्रहार गरिएको पाइएको छ। उनको देब्रे हातको केही भाग काटिएको छ। पसल बन्द गरेर फर्कदै गर्दा लुटेरा आक्रमण गरेको हुनसक्ने प्रारम्भिक अनुमान गरिएको छ।
प्रकाशित मिति: २१ माघ २०८०, आइतबार
प्रतिक्रिया