काठमाडौं । प्रदर्शनको तयारीमा रहेको फिल्म ‘डिग्री माइला’ यतिबेला चर्चामा छ ।
वैशाख १ गते प्रदर्शन हुने यो फिल्मको ट्रेलरले यतिबेला चर्चा बटुलेको छ । उक्त ट्रेलरमा नेपाली अर्बपति तथा कांग्रेस सांसद विनोद चौधरीलाई लिएर एउटा संवाद छ-
दयाहाङ : सीजी ग्रुप सुन्या छौ ? चाउचाउ बनाउँछ नि । यसले मलाई मासिक चार लाखको अफर गर्या थियो ।
माओत्से : तैंले किन खाइनस् त ?
दयाहाङ : चौधरी आफैं धनी छ, धनीमाथि धनी के बनौं ?
फिल्मको उक्त संवादलाई लिएर विनोद चौधरीले अभिनेता दयाहाङ राईलाई कटाक्षसहितको प्रशंसा गरेका छन् ।
फेसबुकमा राईलाई ट्याग गर्दै चौधरी लेख्छन्, ‘मैले एक वर्षमा कमाउने त तपाईंले यही एउटै फिल्मबाट कमाउनुहुन्छ होलाजस्तै छ त दयाहाङजी, हैट ।’
चौधरीको यो स्टाटसलाई लिएर प्रशस्तै टिकाटिप्पणी भइरहेको छ ।
प्रकाशित मिति: १८ फाल्गुन २०८०, शुक्रबार
प्रतिक्रिया